Popular Bible Verses from Rom 13

Share

Ka kaima ene deno muduno goglo pamara, mabuno kide kane kane pogglau borabuka i, agai tekre, Yaglno Kade Jisas Krais ene suglno morabedi mogl atne ede molo.

Ene dina ta eribi, panabuka i, tabre te ikne edio. Mige moni ya ki ta dina erumun, panabuka i, te ikne edimun, dudunabuka. Yegl paugwa ba kogon swara ta ege ege eramga paugwa i, dina mere yegl ta paugwa. Kogon i, deno muduno yoba tenamga paugwa. Yegl eramga i, dina mere yegl aimadi aimadi pai morabuka. I ta dudumedi prikramga.Te, ene prio! Ene yoba pere deno muduno tebi, ene God lomo mudu pamere erikwa mere yegl panabuka.

Ana yoba kade gavman meglkwa i, God prumere u nono bitno meglko, God yene no bitno moraiglmedi i edugwa pre ye meglmara mogl atne edidre, kano pramga paugwa.

Yoba eduer mabuno kide kane kane erikwa ba nono munara i, eduer dudugwa. Kamin tagenagledi erukwa pre nono kugugl gagl deglbi yogwa gugl edumnere yegl, mabuno kide i kide kodidre, soldia kuda kugugl gagl edimere mere yegl, nono abuglage sumara mogl pai ersre, mabuno wakai boramga.

God lomo mina lo swara ta yegl dugwa, Ene enene wakai kanimere yegl, ene yoba ta magigl akie kipanaiglkwa i ama wakai kanio dugwa. Yoba ta lo swara i duglo boglsre, dem muduo yoba tenan, ye lomo tau mudu ama duglo boglkwa mere panabuka. Prio! God lomo tau dugwa i, Ene yagl abu ta bogl kunogl nekrio! didre, Yoba si goglkrio! didre, Yoba pere taraglno kunogl nekre, bubuno goglkrio! dugwa. Lo yegl paugwa i ya te, lo kane kane siragl mere paugwa i, yoba ta ye yoba pere wakai kanan, ye mabuno kide kane kane i ta ere, yoba ta tekrabuka paugwa. Mabuno kide kane kane yegl ta ere, yoba ta tenan, ye yoba i wakai kankrukwa mere yegl paugwa.

Yegl pre taks kane kane siragl mere ta norio dinaiglkwa i, ene teo. Tedre, gavman yoba i ama nono bitno meglmedi kuduglno goglsre, pre i mitna edio.