Popular Bible Verses from Luka 5

Share

Gʋ Yesu tawɩ Ɩsʋɔ wɩɛ ŋii fa ba taŋ na, sɛ wʋ tawɩ Simoŋ sɛ, <<Wʋ n palaa buori gaa ju diele gaa wɩɛ dɩkɩŋ na, na wʋ na wʋ dɔŋa baa lɔ asawu chaŋ aji.>>

Sɛ Simoŋ lɩsɛ nʋɔ sɛ, <<Kpaŋjuo, dɩ lɔ asawu yuluma kpiniŋ, dɩ n yu bʋrʋ ʋ. Ama ganaŋkʋ nya tawɩ na dʋɔ, maa lɔ asawu gaa.>> Gʋ ba lɔ asawu gaa na, sɛ ba chaŋ aji fɔɩ sɛ ba asawu gaa aja gaa chati.

Ama Yesu a dɩlɛ wʋ a kara wʋ wʋsɛ wʋ a lɩɩ bakpa naŋ wʋ a ju ifuli dʋɔ na wʋ a ga jɔ dɩga.

Ma n kɔŋ na maa gaa yagɛ bachirigisa a. Ama ma kɔŋ na maa gaa yagɛ dɩsʋbʋ yɩɛra na baa biliŋi lɩɩ ba dɩsʋbʋ naŋ bɛ.>>

Gʋ Simoŋ Petero na ŋii ŋɩ yɩɛ na, wʋ luuŋ wʋ dʋna dʋɔ Yesu asanaŋ tawɩ sɛ, <<Kpaŋjuo lɩɩ ma jaŋ. Ma yɩɛ dɩsʋbʋ yɩɛrɛ bɛ.>>

Sɛ Yesu lɩsɛ ba nʋɔ sɛ, <<Alaŋfiyatina n tiri lʋm chʋɔrɛ ɛ, amʋɔ lʋmɩɛtina.

Gʋ ba palaa ba buoriŋ ŋii gaa daŋ lɩɩ nʋɔ wʋrʋgbɩɛ na, ba yela bʋrʋkʋma sɛ ba kpaŋ Yesu.

Gʋ Yesu wɩɛ Galaliya dɩɛsɛ ŋii garɛ naŋ na, baalɛ wʋŋ gɩchalaŋa fu wʋ wʋsɛ dʋɔ na kɔŋ dɩmaŋ. Gʋ wʋ na Yesu na, wʋ luuŋ wʋ asanaŋ sʋlʋ ɩ sɛ, <<Kpaŋjuo, nyaa jawʋ na, nyaa dɩlɛ chɔ maŋ.>> Sɛ wʋ tɩɛŋɩ wʋ pam jaga wʋ dʋɔ tawɩ sɛ, <<Maa jawʋ, n wʋsɛ n yɩɛ dɩchɩrɩchɩrɩ.>> Gabʋanaŋ sɛ gɩchalaŋa gaa lam.

Ama Yesu wʋsɛ dʋɔ wɩɛ yalagi gapɩlɛkʋma sɛ dɩ yela sɛ bakpa fɔɩ kɔŋ na baa gaa nyii wʋ wɩɛ na wʋ a chɔ ba.