Popular Bible Verses from Luugaay W'injiil 8

Share

Laakiin iteera whaash udaayiinaay dhibiyaab, baliin een ibhali eemsiiwna aree daayi ginꞌa takwakwnaayeeb ideebna. Aan baraah amtaraamiit gwida firaay haay yꞌeen.” idi.

Iteera tinaweeti bitik dhibiyaab, baliin een ibhali eemsiiwna, laakiin usalaliyoohna sakeeneet midda, udamaani gwirhaawwa, uumraaywa, tuduniyaatiit nafirnaywa bareeh isakitna. Aree baraah bashikw firaay haay kaꞌeeyaan.

Iteera uliilaawi kehii dhibiyaab, baliin een ibhali eemsiiwnihoob afirhaa agbileena, laakiin gadam kiibariin. Baraah shalikt midda aamaneena, laakiin ijarrabamti door baraah fidnaab yakeen.

Malya Yasuuꞌa ikwiriyaatayeeh raatiya, “Wꞌiimaanuukna keeya?” idi. Ikwiriyaatay winneet irkwiiniit ajjabamiyaan. Baraah gaal ooraaw raatiyaana, “Uun aabu? Ubaraamwa eeyamwa danniin, aree baraah barooh isnaakirna.” idiin.

Iteera usalaliib dhibiyaab, baliin een ibhali eemsiiwna, aree malya uubliis dehaay yꞌiit ibhali iginꞌaayeesooh tafiiniyeeb oodehay ikati. Aflaay baraah aamaniit biidhhanni jillaay ibhali iginꞌaayeesooh tafiini.

Dhꞌimaana lawi baadiit naat han daayi kitdi. Aree kwabaasna ituukkin baadiit tari rhami baadiina han daayi kitdi.

Malya tutakat tunaatuuh lawtaneet toona tikanihoob, idhee eetaayt, Yasuuꞌii suurii dhibta. Kassooh oodehayi suurii Yasuuꞌaab tehitaneet toona hadiidta. Aree kak igidiyeesooh tinꞌireet toona han hadiidta. Malya Yasuuꞌa tootakatii dehaay, “Yaa tꞌoorii, wꞌiimaanuuk mheeliya hooki, asgaa giigii!” idi.

Ikwiriyaatay giigiyaaniit barooh isibꞌarna. Baraah “Seedna! Seedna! Aayam miyaayoon yhariwna.” idiin. Yasuuꞌa yakiyaayt ubaraamwa, eeyam yꞌitrigiswa idnin. Ubaraam ingad aree naatka hayaayta.