Popular Bible Verses from Maargoo 2

Share

Yasuuꞌa toon imaasiwihoob, bareeyooh dehaay, “Uudehay udalha hakiimii dehaay kiishinhana, eelhaab nuun. Ani timaagnaytikina waliiktii dehaay yꞌaabu nuun, tooshbu sakeennee dehaay yꞌaab kaaki.” idi.

Yasuuꞌa wꞌiimaanoohna rhiyanihoob, ootak wꞌamꞌadhdhaanaay dehaay, “Wꞌooruun! Tumaagnaaytuuk afoomaati.” idi.

Malyaab Yasuuꞌa bareeyooh dehaay, “Tuusab oodehayi jillaay daamaati nuun, uudehay tusabti jillaay daamaab kiikeen.

Laakiin udehayiit guudti sabbii, ishuumti adgirat iribnihoob, ootak ugawi mooy haay reewiyaan. Malya oogaw umooyii itilꞌaniit, been ootak madhamti kehii haayee oodehayi bitikii hoogisiyaan, aree Yasuuꞌi suurii daasiyaan.

Laakiin Wꞌaadami Oor tubuutiib tumaagnaay haay afooyiiniyi akrir ibariyeet toona kanaant asehariiw hookna.” idi. Aflaay baruuh ootak wꞌamꞌadhdhaay dehaay, “Yhaa yakaa! Tumadhamtook yaksaat ugawook bayaa!” idi.

Naan laamakaatu: ootak wꞌamꞌadhdhaay dehaay, ‘Tumaagnaaytuuk afoomaatu,’ uumiyaad laamakaab han, hana ‘Yhaa! Yakaa! Tumadhamtook yaksaat giiga!’ uumiyaad, naan laamakaatu?

Uutak igidiyeesooh baraah kassaah shibbee, tumadhamtooh yakisiyaayt giigiya. Kassaah uudehay ajjabamiyaana aree Ukwaasana yhamidna, “Beet toona tꞌiiteena door han rhaab kinki!” idiin.