Popular Bible Verses from Yesaya 60

Share

<<Koro na n ke ŋalakee, nawolo nyi n keŋmaŋee te kɔŋ, te Degbeŋgyoo gyoorobiiri ta lee n dɔɔ.

Tɛɛlese baa kɔŋ n keŋmaŋee keŋ man, na gyooneŋ kekɔŋ n tɛɛkena keŋalakee keŋ gyaŋ.

Kɛɛ, detiŋtɛɛ te wuu tɛɛle keŋ te detiŋtɛɛ tuum te wuu balaŋ, mɔna Degbeŋgyoo waa lee n dɔɔ, na baa naa ɔ gyoorobiiri n dɔɔ.

Ŋon ɔ yɛɛ peperee ɛ man nɛ waa bese kakpoŋ, te biikyaa waa bese tɛɛle dekpaatakpere. Maŋ yɛna Degbeŋgyoo, maa yɛɛ ke bileŋ ka debaŋ man.>>

Weese be gyae ke tekaa yɛɛ n ke ŋmaŋee weese teŋteŋ ya, yaa gyaalaŋ ke ŋalakee n dɔɔ ya, nawolo nyi Degbeŋgyoo waa yɛɛ n keŋmaŋee kekpaakekpaa, na n Wurubuarɛ waa yɛɛ n gyoorobiiri.

N weese be gyae ka teka gyoo ya, te n gyaalaŋ be gyae ka tekaa yeŋ ya, Degbeŋgyoo waa yɛɛ n keŋmaŋee kekpaakekpaa, te n waraŋsa weeya gyae kekɔŋ ɔto.

Botɔɔ te n ke kɛɛ na ke yɛɛ neŋ gyoŋ. kenyaŋee gyae ke wulu n konɔɔ. baa mo wosekenyiŋ keŋ gyakaa ɛpose dɔɔ nɛ kɔna neŋ, tɛɛlese wose kenyiŋ gyae ke kɔŋ n gyaŋ.

<<Gyina n sia na n ke kɛɛ kilisi, be popou te yilaa te be kɔŋawɔ n gyaŋ. N bia tewulɛɛ ta lee lemlem kɔŋ, baa doona n bia alebia maama bɛɛ kɔŋ.

Botɔɔ te n balaŋ pou baa tenee, na tɛɛle keŋ ke yɛɛ be wui kekpaakekpaa. Baŋ yɛna daŋbii keŋ mɔɔ duu nɛ, me nyiŋmaa man tom na baa lese me gyoorobiiri wola.

Bɔɔ gyae baa tekaa nyii yoo yeesa n tɛɛle dɔɔ, yaa abɔɔ kewɔlɛɛ yaa abɔɔ ketekerii n wulu man ya, mɔna n ke baake nya akyaŋse nyi nyeekelɛɛ, na nya anaanɔɔse nyi yele kalese.

Baa toro nya anaanɔɔse debaŋ kamasɛ, bɔɔ gyae baa tɔ ŋa weese teŋteŋ yaa nelim ya, na balaŋ kenyiŋ mo tɛɛlese agyapadɛɛse kɔna neŋ, na be gyooneŋ ke lɔ baameŋse gaŋtee be siaman.

Kurumɔɔse akpeŋ akpeŋ baa lɛɛ n tɛɛle dɔɔ, kpuna Midiane na Efa kurumɔɔsebia. Te Sebatena pou mɔ baa kɔŋ, na ba seelena kɔba yayam na oliifi, na bɛɛ lese Degbeŋgyoo yele.

<<Ŋɔɔla baa desina nya akyaŋse ŋan baŋ, na be gyooneŋ kaa som neŋ. Doo nyi me tuku ŋon me baŋ man, mɔna me deeli keyɛɛ dɔɔ maa wii ŋon.

<<Doo nyi be bɛɛ neŋ te be kɔla neŋ, te ŋolo na ŋolo ta mo n man laŋ ya nɛ, maa yɛɛ neŋ obuo walaŋ kekpaakekpaa, na kenyaŋee fa kalola kegyakaarese pou.

N ke nyɔɔ tɛɛlese miliki, na n ke ŋmase gyooneŋ ade. Botɔɔ te n ka gyeŋ nyi maŋ, Degbeŋgyoo, maŋ yɛna n nyeelɛɛre.