Popular Bible Verses from COL 3

Share

वगा-मेगारदी सहन शेयना इंगा यवारी आना जगडाल उंटे तर वगा-मेगारनी क्षमा शेयना; यल्ला प्रभुड मी अपराधलु क्षमा शेशा आल्ले मीर पण शेयना.

स्वर्गलोन माटला मिंदा मन आंचना पृथ्वी मिंदुड माटला मिंदा मन आंचाकुंडा

इंगा येम पण मीर शेस्तार आदी मन्सुला इचांग आंका शेयाकुंडा तर प्रभुन इचांग आंका मन आंची शेयना.

दिनिचांग मीर परमेश्वर पवित्र इंगा प्रिय इल्ला निवडाशीनोर मंदी उंडार, आंका करुणायुक्त हृदय, दया, सौम्यता, नम्रता इंगा सहनशीलता धारण शेयना.

ख्रिस्तनी वचनलु मी हृदयला शेंगेम उंडाला. मीर आंदार ज्ञानता वगा-मेगारकी नेरपुना इंगा चेतावनी इंडा; मी अंतकरणला परमेश्वरकी भजन, फदुल इंगा आत्मिक स्तुतीगीतलु फाडना. इंगा शब्दलाता लेकाते फनुलाता येम पण मीर शेशार, आदी आंता प्रभु येशु फेरता शेयना; इंगा वान तीकेल परमेश्वर आब्बानकी धन्यवाद इंडा.

इ आंदार मिंदा प्रेमदी याद पुर्णताद पट्टा उंडाद आदी कटकोंडा.

दिनिचांग हे ना आक्का तम्मुळ्ळालाला मिमलान ख्रिस्तन जताक सच्चीनोर लोन्केल जित्ता शेशेदेंक वच्चीनाद तर ख्रिस्त परमेश्वर मंची शेय तीकुड यंदु कुसनीनाड आंदुड वस्तुलान फुडकुना याय स्वर्गला उंडाय.

ख्रिस्तद शांती मी अंतकरणला राज्य शेयाला. दानिचांग वगा फय इल्ला आयेदेंक मिद पाचारण आयनेद उंडाद; इंगा मीर धन्यवादीत उंडाला.

दिनिचांग मी दिंटल्या याय दुन्यामलोनी माटलु उंडाय आटलान मतेसकाडना, आंटे जारकर्म, अशुद्धता, कामवासना, वाईट इच्छाल इंगा लोभ इ माटलु मुर्तीपुजा लेका उंडाय.

येनटीक की मीर सच्ची फोयनार इंगा मिद जीवन ख्रिस्तन जताक परमेश्वरला दाशी फेटनेद उंडाद.

पण इप्पुड मी दिंटल्योनदी कोफाम, शिट्‍टु इंगा दुष्टपण, निंदा इंगा मी नोरता वाईट माटलु तिट्टेद, इ आन्नी माटलु इडस्काडना.

वगा-मेगार जताक खोटा माटलाडाकुंडा येनटीक की मीर फाता मनशीन वान फनुला सहीत तीशेस काडनार. इंगा कोत्ता मनशीन फेटकुन्नार, यवाड मना निर्माणकर्ता स्वरुप लेका पुर्ण ज्ञान प्राप्त शेशेदेंक कोत्तांग आयकेन फोयतुनाड.

हे मोगुडलाला, मना-मना वडती मिंदा प्रेम शेयना; वार जताक कठोर व्यवहार शेयाकुंडा.

हे बिळ्ळालाला, मीर आन्नी माटलाला मी आम्मा-आब्बानदी आज्ञापालन शेयना येनटीक की इदी प्रभुनकी आवडास्ताद.

हे वडतुलाला, यल्ला प्रभुला योग्य उंडाद आल्ले मीर मना-मना मोगुन अधिन उंडा.