Popular Bible Verses from GENESIS 35

Share

Kalunga okwe mu lombwela vali ta ti: “Aame Kalunga Omunaenghono adishe. Kala u na oludalo u hapupale. Oshiwana, heeno, oiwana tai ka dja mwoove neehamba tadi ka dja momatundji oye. Nedu olo nde li pele Abraham naIsak, ohandi ke li ku pa, noludalo loye tali ku shikula Ame ohandi ke li li pa.”

Tu lilongekideni okuya kuBetel. Ame ohandi ka tungila ko Kalunga oaltari, Kalunga ou a nyamukula nge mefiku loudjuu wange nokwa kala pwaame mondjila ei nda enda.”

Ndele Kalunga okwe mu lombwela ta ti: “Edina loye oJakob, ndele ito ifanwa vali Jakob, ndelenee Israel.” Ndele ye okwe mu luka Israel.

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

Opo nee Kalunga okwa lombwela Jakob ta ti: “Lilongekida, inda kuBetel u kale oko. Dikila ko Kalunga oaltari, Kalunga ou e liholola kwoove eshi wa ya onhapo mumwanyoko Esau.”

Ndelenee omwenyo waye eshi tau mu fiye po, osheshi ye okwa li e na okufya, ye okwe ka luka Ben-oni. Ndelenee xe okwe ka luka Benjamin.