Popular Bible Verses from Lukas 3

Share

Saawe tau eval tiina tigham yaa, Yesu paam ila tomani zi ighe igham yaa. Saawe tau igham yaa ve isuŋsuŋ, sambam ikaak, ve Avuvu Patabuyaaŋ izilam imin mbuun gha izala paavo. Ra saveeŋ sambam ve izilam ighe: “Yau natug eemon ta yo. Yau lolog igheen tsio, ve yo ugham ghau lolog poia kat.”

Tauvene Yoan isaav ghazooŋa pazi ighe: “Yau narughuuz gham pa yaa. Eemon ŋeer ee aat ilam murei payau. I tapiri tiina. Iliiv ghau kat. Uraat sorok imin polaaŋ waar to zuzuuŋa to aaghe, ene paam yau poiag irau to nagham pani mako. I pale igham Avuvu Patabuyaaŋ payam tomania yav.

Isaav ighe onoon yam apul ŋgar tsiam sasaghati ileple ve atoor ŋgar tsiam ila pa Maaron, na atotoi anooŋa tooni popoia siriv ivot gha taghita. Yam aghe Abaram paaghu tooni yam. Eemon anumeer gabua tana sov. Pa yau nasaav payam: Maaron, i irau isaav pa maet tane, ve tiburig timin Abaram paaghu tooni.

Alooŋ. Nakavasi to Maaron igheen ila ai pughuzi ve isaŋan wa. Ai tisov tau anoŋazi popoia mako, ene aat nakavasi ighan zi tizi, ve tisik zi tizala yav ighan zi.”

Ŋgar tau Yoan ighamu, ene itaghon saveeŋ tau igheen ila rau to propet Isaia na. Isaav tauvene: Ŋeer ee iboboob izi nugh ŋginaaŋa ighe: “Agharaat eez pa Ŋeer Tiina. Apaduduŋai eez ta naol ne pani le tiduduuŋ. Nugh naol isov tau ŋgolopa ŋgolopa na, apavon zi le tizaa raraate. Ve loloz tomania nugh mbua tisov, aghel zi le tizi raraate. Eez tau kookakooka na, agharaat zi le tiduduuŋ. Ve eez naol tau tisaghat na, agharaat zi le popoia. Leso tamtamon tisov to taan tighit katin uraat tau Maaron pale ighamu leso igham mulin zi.”