Popular Bible Verses from 1 Ovakorinto 15

Share

Vahivilikwa vandje, pamen̯i, hámu tenguka. Kalen̯i odhombandhi apehe movilinga vyaMuhona, mu kale amu tji i okutya otjilinga tjen̯i muMuhona katji li vala.

Iya Kalunga nga pandulwe, nguu tu pa outon̯i mena lyaMuhona wetu Jesus Kristus.

Hámu pukithwa, ku tiwaa: “Ngumo ende notjimpulu naove mo ile otjimpulu.”

Iya ame ndji li po ket̯ilonkenda lyaKalunga ngahi ndji li hinyahi. Et̯ilonkenda lye kali hepelele mo mwaame, iya mba undapa tjatjili okupon̯a ovayapostoli avehe, nandaku tiwa hí tji ningile mwaame omwene, et̯ilonkenda lyaKalunga olyo lya ndjundapetha.

T̯o, outon̯i woye u li pi? T̯o, eonga lyoye li li pi? Eonga lyet̯o oulundhi, nodhonkono dhoulundhi oveta.

Taa tuutuu, me mu heele otjiholekwa okutya haatuhe matu ka t̯a, iya atuhe matu ka lundululwa. Mokaluvedhe okanunu, ngepathaelo lyeho, odhonkwino dhathiinina madhi ka hikwa. Odhonkwino himadhi ka hikwa, ovat̯e mava ka imunwa kout̯e, kaava ka anda uke, iya nt̯e matu ka lundululwa.

Nget̯o hilye ya mena lyomuntu umo, neimuko kout̯e wo otjo mali ya mena lyomuntu umo. Avehe ngahi va t̯ila muAdam, avehe otjo mava ka kala wo nomwenyo muKristus.

Hitji anda, matji dhala hihatji anda, nahitji t̯a, matji dhala hihatji t̯i.

Iya Kristus u tha okutumina katee Kalunga ma ton̯a odhondjedhi dhe adhihe, he dhi twaa kohi yodhompadhi dhaKristus. Ondjedhi yathiinina ndjimai ka han̯aunwa po, oyo i li et̯o.