Popular Bible Verses from 2 Ovakorinto 4

Share

Nt̯e katu tala kovipuka mbii moneka, iya tu tala kumbihavi moneka. Iya mbii moneka, vi kala vala okaluvedhe okanunu. Iya mbihavi moneka, vi kala katee apehe.

Iya nt̯e kaatu poyola. Iya andaa odhonkono dholutu lwetu madhi anda, omwenyo wetu womokati mau ningwa omupe etango alihe. Iya oudheu mbutu na wo napano owopokaluvedhe, mau ke tu etela elaimo enene unene ndihali tjiiwa okuyelekwa, ndimali kala apehe.

Tu n̯in̯ikidhwa komaudheu omengi, atjaa katu nyanyauninwe. Twa ngwangwanekwa, atjaa katu poyolele. Twa tatethwa, atjaa Kalunga keye tu yetha. Twa tonwa pohi, atjaa katuya han̯aunwa po.

Iya nt̯e mbatu na ouhona hembu wopambepo, tu ngala odhombiya dholuma, hehi matji yulike okutya odhonkono hendhi odhonene kadhi li munt̯e ovene, iya dhi li muKalunga.

Satana nguu li kalunga kouye hembu, wa pot̯ipaleka omalipulo ambahava itavelele, opo háva mono otjiten̯i tjondaka ombwa yetumbalo lyaKristus, nguu li otjithika tjaKalunga.

Iya Kalunga ngwaa popya ha tyaa: “Met̯iku ngamu dhe otjiten̯i tji tungatele,” oye e li ye ngwaa tungatela momitima vyetu, opo tu iwe elaimo lye, elaimo ndimali laimine motjipala tjaKristus.