2 Ovakorinto 4
4
Ouhona wopambepo modhombiya dholuma
1Iya hitu na otjilinga hehi ngahi twe tji pewa ket̯ilonkenda, hátu poyola. 2Iya nt̯e twa yetha ovipuka avihe vyomeholamo ovit̯ithahon̯i, iya kaatu lungamene, ne okupidhidhika odhondaka dhaKalunga, iya matu popi otjatjili, hatu lihololola kelityoo lyomuntu auhe kotjipala tjaKalunga. 3Iinga andaa ondaka ombwa ndjitu teetha ya holekwa, ya holekwa mboka mbamava ka keka. 4Satana nguu li kalunga kouye hembu, wa pot̯ipaleka omalipulo ambahava itavelele, opo háva mono otjiten̯i tjondaka ombwa yetumbalo lyaKristus, nguu li otjithika tjaKalunga. 5Iya nt̯e katu liteetha ovene, iya tu teetha Jesus Kristus, Muhona. Iya nt̯e ovene tuvapika ven̯i mena lyaJesus. 6Iya Kalunga ngwaa popya ha tyaa: “Met̯iku ngamu dhe otjiten̯i tji tungatele,” oye e li ye ngwaa tungatela momitima vyetu, opo tu iwe elaimo lye, elaimo ndimali laimine motjipala tjaKristus.#Gen. 1:3
7Iya nt̯e mbatu na ouhona hembu wopambepo, tu ngala odhombiya dholuma, hehi matji yulike okutya odhonkono hendhi odhonene kadhi li munt̯e ovene, iya dhi li muKalunga. 8Tu n̯in̯ikidhwa komaudheu omengi, atjaa katu nyanyauninwe. Twa ngwangwanekwa, atjaa katu poyolele. 9Twa tatethwa, atjaa Kalunga keye tu yetha. Twa tonwa pohi, atjaa katuya han̯aunwa po. 10Apehe katu li kokule net̯o okudhipawa ngaJesus hiaa dhipawa, opo omwenyo we u holololwe wo momalutu etu. 11Iya nt̯e hemba mbatu na omwenyo, apehe matu yandjwa met̯o, tu t̯e mena lyaKristus, omwenyo waJesus u holololwe wo momalutu etu omat̯e. 12Iya okutya et̯o mali undapa munt̯e, iya omwenyo u li mun̯e.
13Umo wa soneka momusonekwa ha tyaa: “Ame mba popya, mena lyokutya mba itavela.” Iya hitu na ombepo imo yeitavelo, nant̯e wo matu popi, mena lyokutya twa itavela.#Eps. 116:10 14Tu tji i okutya Kalunga ngwaa imuna Muhona Jesus kout̯e, me ke tu imuna wo pamo naJesus kout̯e, he ke tu eta kotjipala tje pamo nan̯e. 15Ovipuka avihe mavi ningwa mena lyen̯i. Et̯ilonkenda lyaKalunga himali ya movantu ovengi, okutya maku ka kala wo ovengi mbamava ka yandja ompandu onene ketumbalo lyaKalunga.
Okukala nomwenyo keitavelo
16Iya nt̯e kaatu poyola. Iya andaa odhonkono dholutu lwetu madhi anda, omwenyo wetu womokati mau ningwa omupe etango alihe. 17Iya oudheu mbutu na wo napano owopokaluvedhe, mau ke tu etela elaimo enene unene ndihali tjiiwa okuyelekwa, ndimali kala apehe. 18Nt̯e katu tala kovipuka mbii moneka, iya tu tala kumbihavi moneka. Iya mbii moneka, vi kala vala okaluvedhe okanunu. Iya mbihavi moneka, vi kala katee apehe.
Currently Selected:
2 Ovakorinto 4: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.