Popular Bible Verses from Lûkə 14

Share

“Baʼ ábə́ bá pílí álí pɔ̌ŋ mí á mbǐ, bá tíŋganiyǎ ɛ́ bá bawútú bá myə njí bá nə́ŋiyǎ mî litúm basáŋ na banyǎ bá bɔ, balân bá bɔ na bǎn bá bɔ, bǎn-bá-nyǎ bá bɔ bá búmân na bá balân, na luŋgɛ́ lí bɔ́mə̌n.”

Mɔtɛ́ awə̌ a pə́mbiyǎ mbásá ɛ́ mɔ a pɔ̂ŋ mi á mbǐ a tíŋganiyǎ ɛ́ bá muwútú m myə.

Áfánikə̌, mɔtɛ́ awə̌ a pusí nyǔ ɛ́ mɔ ámǐn Dyǔ lí shúlí mɔ́ áshí. Awə̌ a shúlí nyǔ ɛ́ mɔ áshí Dyǔ lí pusí mɔ́ ámǐn!”

Nǎ pə́ ɛ́ díní mulimlim na mɔ awə̌ a fúliyá nlə́m m mɔ á misam mísə́sə̌n. Ɛbú ɛ́ mɔ ɛ́yí ɛ kúkiyǎ álí bá muwútú m myə.

“Njí nyə́ mɔ nfɔ́ ǎ bunsan álí lúŋ ndáʼ ɛyə̌ ɛ ndɛ́kí, ǎ shuman áshí kəkə álí bí nsɔŋgí n ngáʼ ɛyə̌ ɛ̌ saki álí mín njí á púl yɔ́ ɛ ma tɔ njí a si púlá. Njí a mə̌ ndáʼ ɛ shum, ti a púliyǎ yɔ́ ɛ mɛsi, mɔtɛ́ awə̌ a mín ní ndáʼ ɛni, á butí mɔ́ ɛ wɛli bá byábá, nána, ‘Mɔ anínán a butí ndáʼ ndé a púliyǎ yɔ́ ɛ mɛsi.’

Ndé wə̌ti ɛ kakí ŋgandu, bəŋ wɔ̂ baʼ bá líban, baʼ bá libyə́ŋ, baʼ ábə́ bá sə̌ púl ɛ́ kə na baʼ ábə́ mǐ má dímíní. Njí ɛ bwəlí nâni, ɛ́ kwisí wunam á ɛ́tútú nána ká bá sî púlá wə ɛ sáwu, Dyǔ lí sáwú wə̂ á bǔn ábə́ baʼ ábə́ bá tyə́bí sîm á wúsú wú Dyǔ bá wumuní á mídim.”

Nyí lɔ́lí ɛ bî nána wukwǎ wú dí yǔm ɛ mbâ. Ndé wə̌ti wukwǎ wú bɔ́lɔ́ní wumwəm wú mɔ, yán bá tíŋgání ɛ timbí wúmwəm wú mɔ? Wukwá wû wú wɔ́ŋiyǎ pə́ yǔm ɛli bwəlan. Wú wɔ́ŋiyǎ pə́ yǔm ɛ́yə́ bá bwəlání bɔ́. Lipum bá pumní bɔ́. Mɔ awə̌ a wɔ́ŋí matwî a wú.”