Popular Bible Verses from DEUTERONOMY 30

Share

Iyi nɛgbe ne loto lokpere kato gu karɔ̃ si maɖe aɖansiɛ i mi iso, sɔ loɔsu ara wagbe losɛ mi i anɔ ngbã gu kukpi, kusɛkusɛ gu sigbarĩ. Miɖi ngbã kiniɔ, si mi gu mi mabi aasɛ ngbã si miɖuɛ BOSATE mi Ɣaa. Mikã ɔ̃ silɔ atsue fiɛ miamɔɛ̃ wũ mila teteree. Ala BOSATE nɖe mi ngbã fiɛ ɔ̃atã mi akɔ gbodzoo i karɔ̃ ga ɔkã ndamu sɔ ɔ̃atã mi mawa, Abraham gu Isak gu Yakob iso ɔso.

Ala loɔɣere mi sɔ miɖuɛ BOSATE mi Ɣaa ɔso. Si misɛ i BOSATE mi Ɣaa siri iso si mimɔɛ̃ ɔ̃ mmaraisi, asɛ̃ra gu mmara mila. Iyɔ mito miasɛ ngbã miɣe misi fiɛ BOSATE mi Ɣaa to ɔ̃afere mi kusɛkusɛ, i karɔ̃ ga mito miabo mifɔ iso.

Minyɔ, nɔme nto losu ngbã gu isaruɛ, kukpi gu iwɔ losɛ i mi anɔmi.

Oɣoo, itɔ̃me se i mi kɔrɛ i ngbe, ipia i mi kanya gu situ ame sɔ si miawarɛ me.

BOSATE mi Ɣaa to ɔ̃afirikira mi gu mi sikparɛ situ fiɛ miaɖuɛ wũ ku mi situ ɔɖuɖu gu sikala ɔɖuɖu fiɛ miasɛ ngbã.

Iyɔ BOSATE mi Ɣaa to ɔ̃atã mina isaruɛ miɖo i mi nrɔɔ̃ karabara ɔɖuɖu ame. Mito miana isaruɛ miɣe mabi masi fiɛ miana manantsuĩ gu masɛrɛ gbodzoo fiɛ miana araɖea gbodzoo i karɔ̃ iso. BOSATE to ɔ̃anagu mi isoɣɔ ana fiɛ ɔto ɔ̃atã mi ara gbodzoo lɛ kumɛgɔ ɔna isoɣɔ ku mi mawa awe.

Ɣɛɛ si mipɛ mi situ mifirikira fiɛ miiwarɛ BOSATE fiɛ misɛ̃ atsueikã wũ fiɛ makpadzɛ̃ mi, mibɔ ati karɔ̃ misumu maɣaa mama ne, nto loɣere mi nɔme sɔ, gbaã ne mito miawɔ. Miibasɛ ngbã idzoro i karɔ̃ ga mito miawara Yordan ɔwore mibo miafɔ iso.

Mose ɔɣere maturi sɔ: Nnɛ loto loɣere mi nɔme sɔ mibara na ɔle kaɖu, ku karɔ̃inɔ ɣee mina ɔle kaɖu ku me iso ibara.

Mina i kato fiɛ miakarɛ sɔ, "Nna loaya ɔsɛ kato ɔ̃afɔ me fiɛ ɔ̃apɛ me imomo ɔtã bo si boawarɛ me?"

Ngbɔ ame mina i ɔpo kama fiɛ miakarɛ sɔ, "Nna loawara ɔpo ɔ̃afɔ me fiɛ ɔ̃apɛ me imomo ɔtã bo, si boawarɛ me?"