Popular Bible Verses from Yohanes 1

Share

Andian poang tau yang manyialoon lo’a, yang parasaya’en lo’a, dinen barik yang pandeen padari anaka Alatala.

Di nampina andian duniaan, andianna memen tau iasanen i Jarum. Jaji i Jarum daia sarilao’ nanna Alatala, sabenara daira duaan dinen sama Alatalaan.

Jalu arawangen dinen marawangipi di araunen, sampai awandi’en marawangina. Na’an kala’ atalo kole’a araunen.

Jaji i Jarum dinen mondok padari mantuariin. Saja maam sarilao’a nanka’. Maam atena lo’a tauen. Basa tapat lapoang launna lalako’a di duniaan. Jaji daikam maminkam mangita kamaamanna yang palin patut ipudiin dinen, yang daunjukangen kole’a Alatala lo’a Anaka yang jangka’aan seseraan dinen.

Gulungan ambata jaluun dapanyunyuaanga, samuana malaloi tau dinen. Kosan jalu adariin yang na’anen dapola malaloi i Jarum dinen. Tulak nanna i Jarum lalo andianna jalu tio’. Jaji barik tio’a i Jarum dinen, dinen lalo yang marawangiin lo’a anak mantuariin.

Jaji di aso mina’a, andian i Yohanes maita lo’a i Yesus mondok. Jaji barik manjarum i Yohanes lo’da’, “Na, belejo, dinen lalo Anak Dombana Alatala yang manyautiin lo’a dosana anak mantuariin,” ingka kenang lo’da’.

Jaji i Jarum dinen, daia launna lalako’a di duniaan, na’an bua dakilala kole’a tau duniaan. Kapisi ambata jalu duniaan akaus dapadari malaloi tau dinen, pande bea na’an dakilala kole’a tau duniaan. Lo’a banuana lalo mondoka, poangsi tau banuana alibak manyialo lo’a.

Kole’a andian mondok lo’a duniaan jalu arawang yang tapaten yang to’ marawangi lo’a anak mantuariin.

Malaloi baki’ Musajo dinen dameangka’ Ukuma Alatala. Rabarik di’en malaloi i Yesus Kristus di’en dameangka’ kamaamanna atena, dameangka’ pangajaranen yang tapaten.