Popular Bible Verses from Yohanes 15

Share

Jaji manjarum i Yesus, “Iak lalo batang angguren. Ikin lalo daanku’. Intain tio’ sisiau’en nanku’, sarata iakpi tio’ sisiau’ak nanna, dinen lalo yang ambua’ bayu’en,” ingka kenang. “Kole’a daikin ti’en na’ankin tio’ sisiau’ nanku’, kosan jalu pande ianu ikin,” ingka kenang.

“Awan daan angguren, yang ambua’enpi dinen ti’ na’an malakat lo’a batanga, na’an bea dari bua’a,” ingka kenang. “Ialalo daikin arungkin tio’ sisiau’ nanku’, daiakpi barik tio’ sisiau’ak nannin. Na’an ikule’ ikin ambua’ jalu maamen ati’enkin na’an tio’ sisiau’ nanku’,” ingka kenang i Yesus lo’a palola’a.

“Ti’enkin tio’ sisiau’ nanku’, jarumku’pi ti’ lalako’ bua nannin, pandekin mamita suka ate. Tentu danoang bua lo’in.

“Okan ikin maile’iin lo’ku’, iak maile’iin lo’in. Kusuro’kin lamba’ ambua’ bayu’ bua’ yang batako’en, mainto’ Ama’ku’pi rabarik daia mameang lo’in. Ai poang to’ ipitaan ikin atas asanku’, ka’ bea dameangin,” ingka kenang lo’da’.

“Jaji tau mangasaangen, kosan labi dari pada di’en. Yang tau mainya’en mate manyurang lo’a kawanna itiang patio’ lo’a, dinen lalo pangasaang yang palin maamen,” ingka kenang.

Daanna yang na’anen ambua’, dinen dasapa’. Anu daan ambua’enpi dinen dabarese, datoto’i mainto’ insang bayu’a bua’a,” ingka kenang i Yesus.

“Jaji andian parintaku’ lo’in. Arungkin tio’ sikasaang. Awan lalo daiak mangasaangku’ lo’in, arung awan dinen bea mangasaangin sera lo’a seraan,” ingka kenang i Yesus lo’da’.

Ti’kin ambua’ bua’ bayu’, dinen lalo yang padariin lo’in palola’ku’, yang manyuro’ lo’a tauen mamudi lo’a Ama’ku’,” ingka kenang i Yesus lo’da’.

“Daiak di’en,” ingka kenang i Yesus, “kusama’ang kaleku’ awan bararan angguren yang tapaten. Ama’ku’ daia awan lalo tau manuntuaniin kobonen.

“Intain yang na’anen tio’ sisiau’ nanku’, dinen lalo daan yang idunjangen, padari akalas. Awan kabiasa’anen, ambata daan dinen ikapulungang, itampeang lo’a apiin, itutung,” ingka kenang.

“Jaji manjarumak kenang lo’in mainto’ sasau nyawanin awan bua daiak sasauna nyawaku’, mainto’ kosanna jaji kakuranganna sasauna nyawanin.

Ati’enkin malola’ani parintaku’, inang lalo timbula mangasaangku’. Awan lalo iak nanna Ama’ku’. Daiakpi kulola’ani parintana Ama’ku’, inang bea timbula mangasaanga lo’ku’ manyuro’ tio’ sikasaang,” ingka kenang i Yesus lo’da’.

“Jaji pesanku’ lo’in, arungkin tio’ sikasaang,” ingka kenang manjaruma i Yesus.

Ti’kin sama nanda’ tau duniaan, patut bua ira dinen mangasaang lo’in awan sama diri’a. Ialalo dakalibakangin kole’a daikin jalu kudile’iinkin. Okan lagi’kin sera nanda’,” ingka kenang lo’da’.