Popular Bible Verses from Yohanes 19

Share

Mamin barik dainyum kole’a i Yesus, jaji manjarum, “Mamin akaus,” ingka kenang. Laloang dadongang dinen uluna, akatu nyawana.

Jaji barik datamu kole’a i Yesus kole’a samuana jalu dinen yang to’ adari lo’a mamin akaus adari. Jaji manjarum bapi i Yesus, mainto’ adarina jalu datulisangen ilalam Jaruma Alatala, “Akaring nyawaku’,” ingka kenang.

Jaji dakita kole’a i Yesus andian bea inang palola’a yang palin dakasaangen. Jaji manjarum barik i Yesus lo’a induna, “Na, dinen anaku, ia barik manuntuaniin toanu. Malola’ko lo’a,” ingka kenang. Jaji manjarum bea barik lo’a palola’a dinen, “Dinen barik indunu. Tuntuani jajalu maam,” ingka kenang lo’a palola’a paba’ina. Jaji dala barik dinen i Maria lo’a saona kole’a palola’a dinen, datuntuani.

Poangsi barik mondok dinen lo’a i Yesus dakita kole’da’ mamin mate, jaji na’an dari dapoto’ang kakina. Jaji andian tentara seraan, majuk dinen lo’a rusuka i Yesus laloang mondok barik dara’en sarata nanna danumen areang minsaluan inang.

Jaji ratina i Yesus dinen na’an adari dapoto’ang kakina, manyuro’ adari baya yang datulisangen ilalam Jaruma Alatala, Kosan to’ serapi tolanga yang dapoto’angen, ingka kenangjo ilalam Jaruma Alatala. Andian bapi baya datulisangen ilalam Jaruma Alatala, Ona’ dinen tau maminen daajuk kole’da’ to’ dabele-bele kole’da’, ingka kenangjo ilalam Jaruma Alatala.

insaluanna banuaan. Jaji i Yesus minsaluan dinen, dasaan kayu salipa, daawa lo’a kosan dinen yang iasanen Golgota di jarum Ibrani. Golgota dinen ti’ awan jarumka’, karampang ulu.

Jaji daawa barik kole’a tentaraan dinen, daanu kambu’a, daanam nanna ambata gulungan pati’en, daapis di uluna. Dameang bea sape langkeen kain rajaan.