Popular Bible Verses from Lukas 13

Share

“Ti’ki’ to’ intama, arung ikakayai mainto’ ikule’a iki’ intama lo’a mambangan tarapiten. Kole’a ona’ bayu’ tau bainginen to’ intama lo’a dinen, na’an dakule’ intama.

Jaji andian bea tau tamba inang, babainye yang maminen lapan belas taun dinen padisa. Aboko’ dinen balakanga, na’an datamu palolok kalena. Yang manyuro’ aboko’ dinen, daanu kole’a jalu ajau’en. Jaji barik dakita kole’a i Yesus babainye yang apadisen dinen. Jaji barik manjarum i Yesus lo’a babainye dinen de’i, “Indu’e, maminko alapas barik lo’a padisu dinen,” ingka kenang.

Laloang dajalaang tanganna lo’a babainye dinen, babainye dinen dakule’ barik palolok kalena sarata mamudi lo’a Alatala.

Na’an awan yang isangkaan iki’. Ti’ tau akeke’en pakaina awandi’en, ona’ andian pakaina. Kenang bea tau baraa’en pakaina awandi’en, andian ona’ yang padari akeke’ pakaina,” ingka kenang i Yesus.

Ti’kin nampi intama, ti’ mamin akadeng toa saoen, mamin lamba’ mangaputi mambanganen, daikin ona’ to’ irantang insaluan. To’ manodok buakin di mambanganen ona’ sarata manjarum, O Pa’, Pa’, bae’angkam, ikin ona’. “Poangsi ona’ dinen daia to’ manyauti lo’in, Saja na’anak mangilala lo’in. Disa poang asalin? ingka bua ona’.

Tentu na’an. Manjarumak lo’in, daikinpi ti’enkin na’an maunjang pikirannin yang sala’en, matekin bea,” ingka kenang i Yesus lo’da’.

“Daiapi dinen to’ manyauti lo’in, Saja na’ankin kukilala. Asalin na’an dampe kutamu. Babajao’kin lo’ku’. Ikin lalo tau mamola kajau’anen, ingka ona’ lo’in,” ingka kenang manjaruma i Yesus.

Jaji manjarum i Yesus lo’da’, “Kangkamanna Alatala, balu’ ai adarina? Jalu ai maamen ipakaien iki’ itiang sama’ jarum lo’a dinen? Jaji kenang adarina kangkamanna Alatala, awan lalo tolang sasawiin yang datanam tau. Jaji mamin datanam, tio’ tolang dinen, mainsit, padari akat baraa’en rabarik. Sampai dapat burungen dinen manando’ inang. Kenang adarina kangkamanna Alatala. Mulakata balu’ jalu akeke’ poang, poangsi di adarina dinen palin baraa barik,” ingka kenang lo’da’.