Popular Bible Verses from Lukas 17

Share

Kuan Yesus umba e: “Hikat dan miar dai, imanmu nyalamat ikau gawin ikau percaya umba-Ku.”

Malah amun ulun je percaya umba-Ku nguan dosa taharepmu uju kali dalam ice andau, dan satiap kali ie dumah guang ikau dan bapander: ‘Aku batobat,’ maka ikau harus mangampun ie.”

Ise uras manyadari amun ise jadi kana paamat, tapi ice bara ise haluli guang Yesus sambil ngombak hanjak dan mamuji Hatalla gawin jadi paamat ise. Ie dumah dan balutut melai pain Yesus basukur umba-E. Ulun je ie je ulun Samaria beken ulun Yahudi.

Jadi bua-buah ih mangat ikau dia manggoda ulun beken akan nguan dosa. Amun ulun ice beti je percaya umba-Ku nguan dosa, ningak ie. Amun ie batobat bara dosa-dosa e, ikau harus mangampun ie.

Limbas je Yesus bapander umba ulun je: “Aku jadi paamat kasapuluh beti ulun je. Tiyen beti je beken e seharus e haluli kia akan manara Hatalla!

Tapi Yesus bapander: “Amun ikau tege iman, sakorik buan sawi, ikau tau pander umba batang kayu je labih hae tuh: ‘Cabut dan ngimbul arepmu kabuat melai laut,’ pasti batang kayu jituh akan pindah guang laut.”

Gawin ewei je huang nyalamat haseng e akan kanihauan haseng e tapi ewei je nihau haseng e gawin ie ngayak Aku akan dinu pambelum je katatahie.

Yesus bapander umba kawan murid-E: “Puna mungkin akan ulun-ulun tau manggoda ulun beken akan dia taat umba Hatalla, tapi puna buruk amun ulun manguan ulun beken napa dosa. Lebih baik ulun kilau je meteng batu je babehat melai uyat se limbas je medak e guang laut gawin ie napa ulun je heamti kasalai sama kilau ice bara ise je badosa.

Ingat ih narai je terjadi metuh zaman Nuh behin sabelum banjir je hae tutu arai e danum bah terjadi. Akan terjadi sama kilau je metuh sahelu Aku, Anak Manusia haluli guang dunia. Sahelu danum banjir je hae tutu arai e danum bah dumah, uras ulun manjalan pambelum sesama kilau biasa ih, kuman umba ngihup dan kawin. Sapai andau metuh Nuh umba keluarga e tame melai suang kapal hae je arai e bahtera. Limbas je salenga, danum banjir je hae tutu arai e danum bah dumah dan paleteng uras ulun je tege melai luar kapal hae je arai e bahtera.