Popular Bible Verses from Matyu 15

Share

Bot di sitn dem we kom outa unu mout, a outa unu aat dem kom fram. An a dem sitn de wi mek piipl doti an no kliin iina Gad yai. Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Wen sumadi doti, a no siek-a wa dem put iina dem mout; a wa kom outa dem mout mek dem doti.”

“‘Aal dem set a piipl ya du a tek dem mout big mi op, bot iina dem aat dem no waahn av notn fi du wid mi. An it no mek sens dem worship mi, wen dem a tiich man-mek ruul laik se dat a fi mi ruul.’ ”

Wen Jiizas ier dat, im se, “Bwai uman, yu riili riili chos iina mi. Wat-eva yu waahn fi apm, Gad a-go mek it apm.” Siem taim ar daata get beta.

Bot di uman kom niil dong infronta Jiizas an se, “Laad elp mi, du.” Jiizas se, “It no rait fi tek di pikni dem fuud gi daag.” “Laad, dat a chuu,” shi ansa bak, “bot iivn di daag dem get di kromz we jrap aafa dem maasta tiebl.”