Popular Bible Verses from Matyu 16

Share

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Mi a-go gi yu di kii fi Gad kindom. Eniting we yu se no fi gwaan pan ort a dat Gad wuda se aredi. An eniting we yu se: ye, dat kyan gwaan, Gad wuda lou dat fi gwaan aredi.”

Sumadi we waahn siev dem laif a-go luuz it, bot enibadi we luuz dem laif siek-a mi, dem a-go get fi fain dem laif.

Kaaz wa gud it a-go du sumadi ef dem get di uol worl bot dem luuz dem laif? An wa sumadi kyan gi fi get bak dem laif?

So im se tu dem se, “Bot wa bout unu? Uu unu tingk mi bi?” Saiman Piita se, “Yu a di Krais, di Gad we alaiv Bwai Pikni.”

So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!