Popular Bible Verses from Maak 4

Share

So Jiizas get op an taak chrang tu di briiz, an tel di sii fi sekl dong. So di briiz tap an di wiev dem sekl dong. Den Jiizas aks dem se, “Wa mek unu fried so? Unu stil no biliiv iina Gad?”

Dem fried so til dem ton fuul, so dem se tu wan aneda se, “A uu da man ya? Iivn di briiz an di sii dem du wa im tel dem!”

Aal dem taim de Jiizas did faas a sliip pan wan pila iina di baka di buot. So dem wiek im op an se tu im se, “Tiicha, yu no si se wi out fi ded, yu no kier?”

An im se tu dem se, “Tingk gud bout wa unu ier. Eniting we unu dish out gi piipl a dat unu a-go get bak, an get aal muo pan tap a it.

Den Jiizas se tu dem agen se, “Mek mi tel unu ou Gad kindom tan. It komiin laik sumadi we plaant som siid iina im fiil. Di faama go sliip a nait an get op a maanin taim an di siid dem kech an gruo, bot im no nuo ou di siid gruo.

Enibadi we av iez fi ier, beta lisn gud!”