Popular Bible Verses from Maak 5

Share

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Wan uman we did a sofa did iina di kroud. Fi twelv ier shi kudn tap bliid. Shi go wan uol iip a dakta, bot non a dem kudn elp ar. Shi spen aaf aal ar moni pan dakta bil, an insted-a shi get beta, shi onggl get wosa.

Wen shi toch im, shi tap bliid siem taim, an shi fiil iina ar badi se shi get beta.

Den Jiizas tek taim uol di likl gyal an an se tu ar se, “Taliita kum!” Dat miin, “Likl gyal, git op!”

Jiizas did stil a taak wen som piipl fram Jairos yaad kom tu Jairos — di ed fi di Juu dem choch. Dem tel im se, “Yu gyal pikni ded! Wa mek yu stil a bada di tiicha?” Bot Jiizas neva pie dem no main. Im se tu di ed fi di Juu dem choch, “No bada fried, jos biliiv.”

Im se dat kaaz Jiizas did tel im se, “Kum outa da man ya, yu diiman yu!” So Jiizas aks im se, “Wa yu niem?” An im ansa bak, “Mi niem ‘Uol-iip’, kaaz a nof a wi de ya.”