Popular Bible Verses from 1 Korinto 12

Share

Ema ida-idak simu Espíritu nebee hatudu Aan hodi foo benefísiu ba ema hotu.

Agora imi mak Kristu nia isin lolon no imi ida-idak mak parte hosi isin lolon nee.

Se parte ida hetan terus, parte hotu hetan terus hamutuk. Se parte ida hetan onra, parte hotu haksolok hamutuk.

Ema ida simu liafuan kompriensaun liu hosi Espíritu, no ema seluk simu liafuan matenek liu hosi Espíritu hanesan, ema seluk simu fiar liu hosi Espíritu hanesan, ema seluk simu prezenti atu kura moras liu hosi Espíritu ida deit, ema seluk simu kbiit atu halo milagre, ema seluk bele foo sai profesia, ema seluk bele hatene espíritu sira nebee diak ka la diak, ema seluk koalia lian oi-oin, no ema seluk bele tradus lian oi-oin.

Maibee atividade hotu nee mai hosi Espíritu ida nebee hanesan deit. Nia fahe ba ema ida-idak tuir Ninia hakarak.

Nia halo nunee hodi isin lolon la fera, maibee atu parte sira nee bele tau matan ba malu.

Agora, iha prezenti oi-oin, maibee Espíritu ida deit. No iha ministériu oi-oin, maibee Nai ida deit. No iha atividade oi-oin, maibee Maromak ida deit mak halao buat hotu iha ema hotu.

No Maromak foo knaar ba ema iha igreja, primeiru apostolu sira, segundu profeta sira, terseiru mestri sira, tuir mai milagre sira, tuir mai prezenti nebee kura, ajuda, diriji, no koalia lian oi-oin.

Tanba isin lolon laos iha parte ida deit, maibee iha parte barak.

Maibee isin lolon nia parte ruma nebee ita hanoin mak fraku liu, afinál ita presiza duni.

Se isin lolon tomak mak matan karik, oinsaa mak nia bele rona? Se isin lolon tomak mak tilun karik, oinsaa mak nia bele horon? Maibee hanesan nee, Maromak tau parte ida-idak iha isin-lolon nee tuir Ninia hakarak. No se sira hotu hanesan deit, entaun isin lolon nee iha nebee?