Popular Bible Verses from 1 Korinto 13

Share

Domin nee mak pasiénsia no laran diak. Domin la laran moras. Domin la gaba aan ka foti aan. Domin hatudu respeitu. Domin la buka atu manaan mesak deit. Domin la sai hirus lalais no la sura sala nebee hasoru nia.

Domin lori todan hotu, fiar buat hotu, espera buat hotu no tahan buat hotu.

Domin la haksolok ho hahalok aat, maibee haksolok ho lia loos.

Agora, sei hela buat tolu nee: fiar, esperansa no domin. Maibee ida nebee boot liu mak domin.

Domin nunka lakon. Maibee kona ba profesia sira nee, sira sei lakon. Lian oi-oin sei para. No buat nebee ema hatene sei lakon.

Se hau koalia ho ema nia lian oi-oin no anju sira nia lian, maibee hau la iha domin, hau mak hanesan deit tambór nia lian ka sinu nia lian.

Se hau iha prezenti atu foo sai profesia, no hau kompriende mistériu hotu no hau hatene buat hotu, no se hau iha fiar kompletu too hau bele muda foho, maibee hau la iha domin, hau laos buat ida.

Se hau fahe hau nia riku-soin hotu, no se hau entrega hau nia isin lolon atu ema sunu motuk hau, maibee hau la iha domin, hau la manaan buat ida.

Bainhira hau sei labarik, hau koalia hanesan labarik, hau hanoin hanesan labarik no hau kompriende hanesan labarik. Maibee bainhira hau boot ona, hau halakon tiha buat nebee labarik nian.