Popular Bible Verses from 1 Korinto 6

Share

Imi hatene ka lae katak imi nia isin lolon mak templu ba Espíritu Santu nebee iha imi nia laran? Imi simu ona Espíritu nee hosi Maromak. Imi laos imi nian. Tanba Maromak hola ona imi ho folin ida. Nunee foo glória ba Maromak iha imi nia isin.

Imi kompriende ka lae katak ema aat sei la simu Maromak nia reinu nudar liman rohan? Keta lohi aan: ema nebee halo sala seksuál, adora ídulu, halo sala adultériu, ka mane ida nebee halo sala seksuál ho mane seluk, ka naok-teen, kaan-teen, lanu-teen, ka ema nebee koalia aat ba ema seluk, ka ema nebee hamatak sasaan - ema sira nee sei la simu Maromak nia reinu nudar liman rohan.

Halai hosi sala seksuál. Sala seluk hotu nebee ema halo mak iha isin liur. Maibee nia nebee halo sala seksuál mak halo sala hasoru ninia isin rasik.

“Tuir lo-loos, hau bele halo buat hotu,” maibee laos buat hotu mak diak ba ita. “Tuir lo-loos, hau bele halo buat hotu,” maibee hau sei la sai atan ba buat ida.

Maromak foo moris fali ba Nai, no Nia mos sei foo moris fali ba ita liu hosi Ninia kbiit.