Popular Bible Verses from Exodu 13

Share

NAI lao iha sira nia oin. Iha tempu loron, riin kalohan hatudu dalan ba sira, no iha kalan, riin ahi foo naroman ba sira. Nunee sira bele lao loron no kalan. Riin kalohan iha loron no riin ahi iha kalan la sai hosi povu nia oin.

Bainhira Faraó husik povu nee baa ona, Maromak la husik sira atu lao liu hosi ema Filisteu sira nia dalan, maski dalan nee besik liu. Tanba Maromak dehan, “Keta halo be sira arepende bainhira sira hasoru funu, no sira fila fali baa Ejitu.”

Maibee Maromak lori sira lao liu hosi dalan ba rai fuik, nebee liu hosi Tasi Teberau. No ema Israel sira prontu atu hasoru funu iha dalan bainhira sira sai hosi Ejitu.