Popular Bible Verses from Exodu 5

Share

Depois Moisés no Arão baa hasoru Faraó, no dehan ba nia, “NAI, Israel nia Maromak, hatete nunee, ‘Husik Hau nia povu atu baa, hodi sira bele halo selebra ba Hau iha rai fuik.’”

Tanba dezde hau baa hasoru Faraó no koalia ho nia hodi O nia naran, nia halo aat ba povu nee, no O la foo liberdade ba O nia povu.”

Entaun Moisés baa no halo orasaun ba NAI dehan, “Nai, tanba saa mak O foo terus ba povu nee? Tanba saa mak O haruka hau?

Maibee Faraó dehan, “See mak NAI atu nunee hau tenki rona tuir Ninia liafuan hodi husik ema Israel sira baa? Hau la konhese NAI nee, no hau sei la husik ema Israel sira atu baa.”

Maibee sira tenki halo nafatin tijolu sira hanesan uluk no la bele hamenus kuantidade nee, tanba sira baruk-teen. Tanba nee mak sira husu beibeik, ‘Husik ami baa hodi halo sakrifísiu ba ami nia Maromak.’ Aumenta sira nia servisu, nunee sira sei kontinua servisu nafatin no la bele rona liafuan bosok nee.”