Popular Bible Verses from Jénesis 12

Share

No Hau sei halo nasaun boot hosi o, no Hau sei haraik bensaun ba o, no Hau sei halo o nia naran boot, no o sei sai bensaun ida. Hau sei foo bensaun ba sira nebee foo bensaun ba o, no Hau sei foo malisan ba sira nebee foo malisan ba o, no família hotu-hotu iha mundu sei hetan bensaun liu hosi o.”

NAI hatete ba Abrão, “Lao sai hosi o nia rai, hosi o nia família, no hosi o nia aman nia uma, no baa rai ida nebee Hau sei hatudu ba o.

Nunee Abrão sai, tuir NAI nia liafuan ba nia. Ló mos baa ho nia. Abrão tinan hitu-nulu resin lima (75) bainhira nia sai hosi Haran.

NAI hatudu aan ba Abrão, Nia dehan, “Hau sei foo rai nee ba o nia bei-oan.” Abrão harii altár ida ba NAI nebee hatudu aan ba nia.