Popular Bible Verses from Jénesis 26

Share

Lao ba-mai iha rai nee, no Hau sei hamutuk ho o, no Hau sei haraik bensaun ba o. Tanba Hau sei foo rai hotu nee ba o, no ba o nia bei-oan sira. Hau sei kumpri juramentu nebee Hau jura ona ba o nia aman Abraão.

Hau sei habarak o nia bei-oan sira hanesan fitun sira iha lalehan. Hau sei foo rai hotu nee ba o nia bei-oan sira. No liu hosi o nia bei-oan sira nasaun hotu iha mundu sei hetan bensaun. Tanba Abraão halo tuir Hau nia lian, no nia halo tuir Hau nia hakarak, Hau nia ukun fuan sira, Hau nia estatutu sira no Hau nia lei sira.”

Isak sai hosi fatin nee no nia kee bee posu ida fali no sira la istori malu ho nia. Entaun nia hanaran bee posu nee Reobote, tanba nia dehan, “Agora, NAI halo ona fatin luan mai ami, no ami sei sai buras iha rai nee.”

NAI mosu mai Isak no Nia dehan, “Keta tuun ba Ejitu. Hela iha rai nebee Hau hatudu ba o.

No Isak harii altár ida iha nebaa no bolu ba NAI nia naran. Nia tau nia tenda iha nebaa no ninia atan sira kee bee posu iha nebaa.