Popular Bible Verses from Jénesis 37

Share

José hetan mehi ida, no nia foo hatene ba ninia maun sira. Entaun sira odi nia liu tan.

Israel hadomi José liu fali oan mane sira seluk, tanba nia hetan José bainhira nia katuas ona. No Israel halo batina furak ba José.

Bainhira nia maun sira haree katak sira nia aman hadomi nia liu fali nia maun sira hotu, nunee sira odi nia no lakohi koalia diak ho nia.

Depois nia hetan mehi ida tan, no nia foo hatene ba ninia maun sira no dehan, “Tebes, hau hetan mehi ida tan. Tebes, loro matan, fulan no fitun sanulu resin ida hakruuk mai hau.”

No ninia maun sira laran moras ba nia, maibee ninia aman hanoin hela liafuan nee.

José dehan ba sira, “Favór ida, rona lai, hau hetan mehi ida. Tebes, ita kesi trigu halo futun sira nee iha rai luan. Tebes, hau nia futun hadeer no hamriik loos. Tebes, imi nia futun sira hamriik haleu hau nia futun no hakruuk ba nia.”

Mai, ita oho nia no soe nia ba rai kuak ruma no ita bele dehan animál fuik mak haan nia. Depois ita sei haree oinsaa kona ba ninia mehi.”

Entaun bainhira ema Midian sira nebee halo negósiu atu lao liu, José nia maun sira dada José sae hosi bee posu no faan nia ba ema Ismael sira no hetan osan mutin rua-nulu. No ema Midian sira lori nia ba Ejitu.

No sira dehan ba malu, “Tebes, mehi door nee mai ona!

Bainhira José nia maun sira haree nia hosi dook, no molok nia too sira, sira halo planu aat hasoru nia hodi oho nia.

No Ruben dehan, “Keta fakar raan, maibee soe nia ba rai kuak nee iha rai fuik maran, no lalika book nia.” Nia koalia hanesan nee hodi hasai José hosi sira nia liman, hodi foo fali nia ba ninia aman.