Bainhira ema komesa sai barak iha mundu, no sira hetan oan feto sira, Maromak nia oan mane sira haree katak ema nia oan feto sira bonita, no sira fihir feto tuir sira nia hakarak hodi sai sira nia feen. Depois NAI dehan, “Hau nia Espíritu sei lakohi diskuti malu ho ema ba nafatin, tanba nia mak isin deit. Nunee nia moris deit too tinan atus ida rua-nulu. Iha tempu nebaa, ema ain aas hela iha mundu, no mos iha tempu tuir mai. Tanba Maromak nia oan mane sira hola ema nia oan feto sira, no sira hetan oan sira. Oan sira nee sai asuwain iha tempu antigu, nebee ema konhesidu.