Popular Bible Verses from João 1

Share

Maibee ema hotu nebee simu Nia, nebee fiar ba Ninia naran, Nia foo kbiit atu sai Maromak nia oan sira.

Hahuu fo-foun, Liafuan iha nanis ona. No Liafuan nee hamutuk ho Maromak. No Liafuan nee mak Maromak.

Naroman nee nabilan iha nakukun. No nakukun la bele halakon naroman nee.

Liafuan nee sai ema ida, no Nia hela iha ita nia leet. Ita haree tiha ona Ninia glória, glória nudar Aman Nia Oan Mane Mesak, nakonu ho grasa no lia loos.

Maromak halo buat hotu-hotu liu hosi Nia. Maromak la halo buat ida ketak hosi Nia. Iha Nia mak moris. No moris nee mak naroman ba ema.

Loron tuir mai, João haree Jesus mai hakbesik ba nia, no nia dehan, “Haree ba, Maromak nia Bibi Oan nebee kasu mundu nia sala!

Nia iha mundu ona, no Maromak halo mundu liu hosi Nia, maibee mundu la konhese Nia. Nia mai ba buat nebee Ninian, maibee Ninia povu rasik la simu Nia.

Naroman lo-loos nee, nebee foo naroman ba ema hotu, atu tama mai iha mundu.

Tanba Maromak foo ona lei liu hosi Moisés, maibee grasa no lia loos mai liu hosi Jesus Kristu.