Popular Bible Verses from João 13

Share

Hau foo ukun fuan foun ida ba imi hodi imi sei hadomi malu: hadomi malu hanesan Hau hadomi imi. Nunee ema hotu sei hatene katak imi mak Hau nia eskolante sira, se imi hatudu domin ba malu.”

Entaun se Hau, nebee imi nia Nai no Mestri, fasi ona imi nia ain, nunee imi mos tenki halo ida nee ba malu, atu fasi imi nia maluk nia ain. Tanba Hau foo ezemplu ona ba imi, katak imi tenki halo hanesan Hau halo ba imi.

Jesus hataan ba nia, “Agora o seidauk kompriende buat nebee Hau halo, maibee tuir mai o sei kompriende.”

Tebes, tebes, Hau dehan ba imi, atan ida la boot liu fali ninia nai; no nia nebee haruka ema mak boot liu ema nebee nia haruka.

Imi hatene buat sira nee karik, imi sei haksolok se imi halo tuir.

Nia hamriik hosi fatin haan kalan, tau Ninia ropa iha sorin, foti toalha ida no kesi ba Ninia kanotak. Depois Nia fui bee ba basia ida, no komesa fasi Ninia eskolante sira nia ain, no hamaran sira ho toalha nebee Nia kesi ba Ninia kanotak nee.