Popular Bible Verses from João 4

Share

Maromak mak Espíritu, no sira nebee adora Nia tenki adora iha espíritu no iha lia loos.”

Maibee oras sei mai, no agora tempu too ona, bainhira ema nebee adora lo-loos sei adora Aman iha espíritu no iha lia loos. Tanba Aman buka ema hanesan nee atu adora Nia.

Maibee ema nebee hemu hosi bee nebee Hau sei foo ba nia sei nunka hamrook. Tanba bee nebee Hau sei foo ba nia sei sai bee matan nebee suli sai too moris rohan laek.”

Jesus hataan ba nia, “Se o hatene karik Maromak nia prezenti, no See loos mak dehan ba o, ‘Foo bee mai Hau atu hemu,’ o sei husu Nia, no Nia sei foo bee moris nian ba o.”

Jesus dehan ba sira, “Hau nia ai haan mak atu halo tuir Ninia hakarak nebee haruka Hau mai, no atu halo Ninia servisu too kompletu.

Feto nee dehan ba Jesus, “Mestri, Ita la iha buat ida atu kuru bee, no bee posu nee klean. Nunee ita bele hetan bee moris nian hosi nebee?

Feto nee dehan ba Nia, “Hau hatene katak Mesias sei mai, nebee ema bolu Kristu. Bainhira Nia mai, Nia sei foo hatene buat hotu mai ami.” Jesus dehan ba nia, “Hau mak Nia, nebee koalia dadaun ho o.”

“Mai lai! Haree mane ida nebee foo hatene mai hau kona ba buat hotu nebee hau halo tiha ona. Nia mak Kristu karik?”