Popular Bible Verses from Roma 14

Share

Tanba Maromak nia reinu laos kona ba haan no hemu, maibee kona ba hahalok loos, dame no haksolok iha Espíritu Santu. Tanba ema nebee serví Kristu hanesan nee halo Maromak kontenti no ema seluk mos simu nia.

Tanba se ita moris, ita moris ba Nai; no se ita mate, ita mate ba Nai. Moris ka mate, ita mak Nai nian.

Nunee mai ita buka buat sira nebee halao dame, no buat sira nebee hametin malu.

Nunee mai ita keta foo sala tan ba malu. Maibee desidi atu la tau fatuk sidi nian ka buat seluk atu hanetik maun ka alin ida iha ninia dalan.

Tanba ema hakerek nanis ona, “Hau jura hodi Hau nebee moris, dehan Nai, ain tuur hotu sei hakneak mai Hau, no nanaal hotu sei foo sai katak Hau mak Maromak.” Entaun ita ida-idak sei hataan ba Maromak kona ba ita nia aan rasik.

Simu ema nebee iha fiar nebee fraku, maibee keta diskuti malu kona ba buat nebee imi hanoin.

O mak see atu tesi lia ba ema seluk nia atan? Iha ninia patraun rasik nia oin mak nia hamriik ka monu. No nia sei hamriik, tanba Nai bele halo nia hamriik.