Popular Bible Verses from Roma 3

Share

Tanba ema hotu-hotu halo ona sala, no ita la too Maromak nia glória. Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu.

Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu. Ema hotu hanesan deit.

Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan. Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. Ida nee mos hatudu Ninia hahalok loos iha tempu agora. Nunee Nia mak loos, no Nia mak Ida nebee halo ema loos nebee fiar iha Jesus.

Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala.

Hanesan sira hakerek nanis ona, “La iha ema ida nebee moris loos, ida mos la iha. La iha ema ida nebee kompriende, la iha ida nebee buka tuir Maromak. Sira hotu lao sees ona, hamutuk sira sai folin laek; la iha ida nebee halo diak, ida mos la iha.”

Tanba ita hatene ona katak ema sai loos liu hosi fiar, nebee ketak hosi hahalok nebee tuir lei.

La bele! Ema hotu bele sai bosok-teen, maibee Maromak loos hela. Hanesan ema hakerek nanis ona, “Katak O nia liafuan bele loos, no O bele manaan bainhira O tesi lia.”