Popular Bible Verses from Roma 4

Share

Nia la lakon fiar ho laran ru-rua kona ba Maromak nia promesa, maibee nia fiar metin no foo glória ba Maromak. Abraão laran metin katak Maromak bele halo tuir duni buat nebee Nia promete ona.

Hanesan ema hakerek nanis ona, “Hau halo o sai aman ba nasaun barak.” Abraão fiar ba Maromak nebee halo ema mate sai moris fali no bolu buat nebee la iha atu mosu mai.

Maromak entrega Jesus tanba ita nia sala sira, no Nia moris hias ona hodi ita bele sai ema loos.

Maski esperansa la iha, Abraão iha esperansa atu fiar katak nia sei sai aman ba nasaun barak. Tanba Maromak foo hatene ba nia, “O nia bei-oan sira sei sai hanesan nee.”

Tanba nee promesa depende ba fiar, atu nunee promesa bele mai liu hosi grasa. No bei-oan hotu bele simu promesa nee - laos deit sira nebee halo tuir lei maibee sira mos nebee lao tuir Abraão nia fiar. Nia mak aman ba ita hotu.

“Haksolok ba sira nebee hetan perdaun hosi sira nia hahalok aat, no Maromak taka ona sira nia sala. Haksolok ba ema nebee Nai la sura ninia sala.”

Tanba Eskritura dehan saida? “Abraão fiar ba Maromak, no Maromak sura fiar nee nudar moris loos.”