Popular Bible Verses from Roma 5

Share

Maibee Maromak hatudu Ninia domin ba ita ho ida nee: Bainhira ita sala nain hela, Kristu mate tanba ita.

No esperansa la halo ita moe, tanba Maromak fakar tiha Ninia domin ba ita nia fuan laran liu hosi Espíritu Santu nebee Nia foo ona ba ita.

No laos nee deit, maibee ita haksolok iha tempu terus. Tanba ita hatene katak tempu terus foo pasiénsia, no pasiénsia prova ita nia karakter, no karakter nee foo esperansa.

Nee duni tanba ita sai loos ona liu hosi fiar, ita iha dame ho Maromak liu hosi ita nia Nai Jesus Kristu. Liu hosi Nia ita iha mos dalan atu tama ba grasa, nebee agora ita hamriik hela tanba ita fiar. No ita haksolok iha esperansa ba Maromak nia glória.

Tanba bainhira ita sei fraku hela, no tempu too ona, Kristu mate tanba sira nebee la hamtauk Maromak.

Nee duni tanba agora ita sai loos ona liu hosi Ninia raan, oinsaa liu tan ita sei hetan salvasaun hosi Maromak nia laran hirus liu hosi Nia.

Bainhira ema ida la halo tuir, ema barak sai sala nain; nunee mos bainhira Ema Ida halo tuir, ema barak hetan moris loos.

Laos nee deit, maibee ita mos haksolok iha Maromak liu hosi ita nia Nai Jesus Kristu, tanba liu hosi Nia ita dame malu ona.