Popular Bible Verses from Ɛsedɔ 3

Share

Ɣâla ǹyɛɛ Mose mai, “ŃYÃA ƂA NYII ŃGAA LAI. M̀ó Eezuɛ-ŋai dîa yɛɛ̂i, ‘ŃYÃA ƂA ƃé ńdɛ̀ɛ kápɔ-naa.’ ”

Ɣâla ǹyɛɛ mai, “Ŋa pâi kɛ̂i íkɔlɛ. Ŋ̀ɛi-kɛ-maai ká ŋí nyii pâi ǹɛ̂i a gɛɛ ŋa ítɛɛ̂i. Ƃà kùla a ǹûai Ize, ƃà pà a dia, ka ḿvɛli ǹyéei ŋí ma.”

Ɣâla ǹyɛɛ mai, “Ífe lɛ̀ɣɛ naa. Íkɔlɔi kúla íkɔɔ ŋá. Kpɛ́ni fêi, ƃɛ́i íkaa tɔɔ-ni naai, nàa káa a lɔii maa-waa.

Nya ƃe Yâwɛɛ è mò m̀a ǹyɛɛi, “Ŋa ŋánûai dímɛni-sôlii káa nyii-ŋai díkaa Ize. Ŋa díwɔlɔ-wooi mɛ́ni kpɔŋ-maa mɛni ma dímɔ̃lɛ-ƃelai yêei. Ŋá dímɔ̃lɛi kɔ́lɔŋ. Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusa-ŋai dîa.

Nya ƃe Yâwɛɛ ŋɔkélai è kùla nɔ̀ɔi sáma é kúla ŋ̀ɛ́i yɛ̂ɛ ŋɔŋ-leŋ. Mose è nàa kàa é nɔ̀ɔi káa ŋɔŋ kɛ́ sóŋ ma, kɛ́lɛ vé kɛ́ ní kêrenii.

Ŋa pâi ítɛɛ̂i Gâloŋ pɔ́ naa a gɛɛ í ŋánûai Eezuɛ-ŋai kúla Ize lɔii su í pá a dia.”