Popular Bible Verses from Ɛsedɔ 2

Share

Ɣâla è díwɔlɔ-wooi mɛni, ŋɔkono-teei è gɛ̀ Eberaɣɛ̃ɛ yêei da Aise é pɛ́lɛ Zeeka mai, kíli è tòo ŋ̀á. Ɣâla è Eezuɛ-ŋai díluɛ-laai kàa é gbîŋ lɛ́ dîa.

Tãi su kôya tɛ̀ɛ pôlu ma, Ize kaloŋ è sàa. Eezuɛ-ŋai dí wɔ̀lɔ díluɛ-laai su díkɛ díkpɔŋ-maa-nuu kɔ̀ri. Nya ƃe díwɔlɔ-woo è sèri Ɣâla ma.

Tãi ǹôloŋ è kɛ̀tɛ lai, è pà la Gâloŋ ǹóŋ-nɛnii pɔ́. Ǹôloŋ è nâa kɛ̀ a gâloŋ ǹóŋ-nɛnii ǹóŋ. È ǹáa sèe a Mose, ǹyɛɛi, “Kpɛ́ni fêi, ŋá gùla yá su.”

Nya ƃe Gâloŋ ǹóŋ-nɛnii è mò ma ǹyɛɛ, “Ǹôloŋ ŋí síɣe mî í gula zu ŋa, pâi ífela fêi m̀ɛni ma.” Nya ƃe nɛnîi è zìɣe é gula zu.

Ǹyaŋ Gâloŋ ǹóŋ-nɛnii è pà ŋwaâi ǹyái su. Tãi ŋɔyee-mu-nɛyãai pà ǹáa lɛɛ̂i dí kɛ̀ siâi la ǹyái kɔlɛi, gâloŋ ǹóŋ-nɛnii è gbɔ̂lɔi kàa galai su é ǹyée mu-nɛyãai dɔnɔ tɛ̀ɛ a gɛ́ɛ é pá la.

Tãi Mose è nâa kɛ̀ la a núu kɛ́tɛi, è lì ŋɔnûai nàa kâai a tãi tɔnɔ é berei kàa dí kɛ̀ mɔ̃lɛi lai. È Ize-nuu tɔnɔ kàa gɛ́ Eezuɛ nuu tɔnɔ lòkwa, nyii kɛ̀ a ŋɔnûai dɔnɔi. È gɔlɛ kàa, vé núu da káa ní. Nya ƃe è Ize-nuui pàa é ǹoo ŋãyai su.