Popular Bible Verses from Zɛnɛse 50

Share

Ká mɛni nyɔ́mɔɔ kpɛ̀tɛ ḿɛni ma. Kɛ́lɛ Ɣâla è bène a mɛni lɛ́lɛɛ a gɛɛ tãi ŋí su nûa támaa dífulu-laai é lɛ́ɛ díyêei ńzârai yɛ̂ɛ berei gáa la sâai.

Kɛ́lɛ Zosɛ è mò dîa ǹyɛɛi, “Káfe yào. Fa pɔ̂ri ŋ́gbîŋ kɛ̂i a Ɣâla.

Mɛni ma káfe yào. Ŋa pâi káŋaa kɔnîi ka kánîa-pɛlɛɛi.” È dílii làa a ŋ̀óo-ŋai ŋí.

‘Ka mó Zosɛ ma a gɛɛ é kpéra é ǹêɣe da ǹîa-ni dísɔnyɔ̂ŋ-ŋai su-mɛni lɛɛ. Kpɛ́ni fêi, dí mɛni nyɔ́mɔɔ kɛ̀ la.’ Mɛni ma, kpera yɛ̂ kúsɔnyɔ̂ŋ su-mɛni lɛɛ kûai a ínâŋ Ɣâla yée mu-ƃelai.” Nya ƃe Zosɛ è wɔ̀lɔ tãi dí nyíŋi ƃò la mai.

Nya ƃe Zosɛ è mò ǹêɣe da ǹîa-ni dîa ǹyɛɛi, “Ŋa pá nâa saâi, kɛ́lɛ Ɣâla a pâi kánaa kâai é kákula ǹɔii ŋí su é lí a káa ǹɔii su nyii è góno tèe la Eberaɣɛ̃ɛ yêei da Aise é pɛ́lɛ Zeeka mai.”

Zosɛ è Zeeka ǹônii marê kɛ̀ a gɛɛ dí díkono tée ǹyêei. È mò dîa ǹyɛɛi, “Ka kákono tée a gɛɛ Ɣâla à káŋuŋ ma ƃò, ka pâi ŋ́gao kulâi ƃɛ́ ká lí la.”

Zosɛ è nâa sàa. È kɛ̀ ɣele ma a kóraŋ ŋuŋ tɔnɔ pôlu puu (110). Nya ƃe dí zaa kpɛ̂tɛ, dí doo gãlai Ize lɔii su.