Popular Bible Verses from Luukha 6

Share

Antu le l-naas wa Allah yantiiku. Yantiiku be iid wasiiʼe fi iideeku wa yukuun wazin adiil wa kiyaala lahaddi yidaffig. Allah yikiil leeku be nafs al-mikyaal al-intu tikiilu beyah le l-naas.»

«Al-galib hu misil makhazan. Wa l-naadum al-adiil yudumm kalaam adiil fi galbah wa l-kalaam al-yamrug minnah adiil. Wa l-naadum al-fasil yudumm kalaam fasil fi galbah wa l-kalaam al-yamrug minnah fasil. Achaan al-cheyy al-galib al-naadum malaan beyah, da bas al-yamrug min khachmah wakit yihajji.

«Laakin hibbu udwaanku wa sawwu leehum al-kheer wa dayyunuuhum wa ma tarjo minhum cheyy wa khalaas talgo ajur kabiir. Wa misil da, tabgo iyaal Allah al-Aali. Hu yisawwi zeen le l-naas al-fasliin al-ma yachkuruuh.

Arhamo al-naas misil abuuku Allah rahiim le l-naas.

«Ma tihaakumu al-naas achaan Allah ma yihaakimku intu. Ma tajʼalo al-naas khaatiyiin achaan Allah ma yajʼalku intu khaatiyiin. Saamuhu al-naas wa Allah yisaamihku.

Wa Isa gaal battaan : «Wa laakin ana nuguul leeku intu al-tasmaʼo kalaami, hibbu aduuku wa sawwu al-kheer le l-naas al-yakrahooku. Wa baaruku al-naas al-yalʼanooku wa asʼalo Allah be l-kheer fi chaan al-naas al-yitaʼʼubuuku.

Wa sawwu le l-naas al-cheyy al-intu zaatku tidooru al-naas yisawwuuh leeku.

Kan naadum daggaak fi chidgak al-waahide, antiih al-aakhara kula. Wa kan naadum yidoor yichiil jallaabiiytak, khalaas khalli yichiil jawwaaniiytak kula. Anti le ayyi naadum al-yasʼal minnak cheyy wa l-naadum al-chaal minnak khumaamak ma tasʼalah minnah.

«Ma fi chadara adiile al-talda iyaal fasliin. Wa battaan ma fi chadara fasle al-talda iyaal adiiliin.

Achaan al-naas yaʼarfu ayyi chadara min iyaalha. Ma yalgo iyaal jimmeez fi l-chadara al-indaha chook. Wa ma yilaggutu inab min andireesa.