Popular Bible Verses from Luukha 5

Share

Wa wakit Isa kammal kalaamah, hu hajja le Simʼaan wa gaal : «Waddi al-markaba fi ust al-bahar wa oori naasak yazgulu al-charak fi l-almi le yakurbu huut.»

Wa Simʼaan radda leyah wa gaal : «Ya Sayyidna, tiʼibna tuul al-leel wa ma karabna cheyy. Laakin nazgul al-charak kan inta tidoorah.» Wa wakit zagalo charakhum, karabo huut katiir bilheen lahaddi l-charak yidoor yingatiʼ min al-tagala.

Laakin Isa gamma wiheedah misil fi aadtah wa macha fi l-khala achaan yisalli.

Ana ma jiit achaan ninaadi al-saalihiin, laakin jiit le ninaadi al-muznibiin le l-tooba.»

Wa wakit Simʼaan Butrus chaaf al-cheyy al-bigi da, hu sajad giddaam rijileen Isa wa gaal : «Ya Rabb, kiss minni baʼiid ! Achaan ana naadum muznib.»

Wa Isa radda leehum wa gaal : «Al-naas al-taybiin ma hawjaaniin daktoor, illa l-mardaaniin bas.

Wa min gabbalo maraakibhum fi khachum al-bahar, humman khallo kulla cheyy wa gammo taabaʼo Isa.

Wa yoom waahid, Isa gaaʼid fi hille waahide wa raajil waahid indah jidaam ja leyah. Wa l-raajil da indah jidaam cheen. Wa wakit chaaf Isa, hu sajad giddaamah wa gaal : «Ya sayyidna, kan tidoor tachfiini akiid inta tagdar wa ana nabga taahir.» Wa Isa madda iidah wa limis al-raajil al-indah jidaam wa gaal : «Nidoor nachfiik. Abga taahir.» Wa tawwaali bigi taahir min al-jidaam.

Laakin be da, khabarah chattat be ziyaada fi l-naas. Wa naas katiiriin marra waahid laammiin foogah achaan yidooru yasmaʼo kalaamah wa hu yachfi amraadhum.