Popular Bible Verses from تكوين 27

Share

خَلِّي الرَّبّ يَنْطِيكْ كَرَنْج الْيَنْزِلْ مِنْ السَّمَاءْ وَ إِنْتَاجْ الْأَرْض. وَ يَنْطِيكْ قَمَحْ وَ خَمَرْ جَدِيدْ بِكَتَرَةْ. خَلِّي الشُّعُوبْ يَخْدُمُوا لَيْك وَ الْأُمَمْ يَسْجُدُوا قِدَّامَكْ. وَ أَبْقَى سِيدْ أَخْوَانَكْ وَ عِيَالْ أَمَّكْ يَسْجُدُوا قِدَّامَكْ! الْيَلْعَنَكْ مَلْعُونْ وَ الْيِبَارِكَكْ مُبَارَكْ.»

وَ عِيسُو قَالْ: «أَشَانْ أُسْمَهْ يَعْقُوبْ (مَعَنَاتَهْ النَّجِيضْ)، دَا بَسْ غَشَّانِي مَرَّتَيْن! أَوَّلْ شَالْ بُكُورِيّتِي وَ هَسَّعْ دَاهُو شَالْ بَرَكَتِي!» وَ قَالْ بَتَّانْ: «إِنْتَ مَا فَضَّلْت لَيِّ بَرَكَةْ وَاحِدَةْ كُلَ؟»

وَ إِسْحَاقْ أَبُوهْ قَالْ لَيَّهْ: «إِنْتَ تَسْكُنْ فِي أَرْض الْمَا عِنْدَهَا إِنْتَاجْ وَ مَا عِنْدَهَا كَرَنْج الْيَنْزِلْ مِنْ السَّمَاءْ. وَ إِنْتَ تِعِيشْ بِسَيْفَكْ وَ تَخْدِمْ لِأَخُوكْ. لَاكِنْ فِي رُوَاغْتَكْ الْجَايْ وَ جَايْ، تِدَلِّي تَقَلَتَهْ مِنْ كَتَافَيْك.»

وَ عِيسُو قَالْ لِأَبُوهْ: «يَا أَبُويِ، عِنْدَكْ بَرَكَةْ وَاحِدَةْ بَسْ؟ بَارِكْنِي أَنَا كُلَ، يَا أَبُويِ!» وَ عِيسُو قَمَّ يَبْكِي بَكِي شَدِيدْ.