Popular Bible Verses from Los Hechos 4

Share

Poꞌpsheñeñpaꞌ ama eñalle alloch yekeshperra, tharroꞌmar ama eñalle poꞌpsheñeñ ñeñth anareth ñeñthchaꞌ yexhoreꞌt atthoch oꞌch aꞌkeshphatey. Amaꞌt ora errakmañen añe patsro ama eñalle atthoch yekeshperra, ñapthaña Jesús. Ñeñthpaꞌ allowa ateth otanet Pedro.

Allempoña maꞌyochwetpaꞌ allña apxhenetpaꞌ oꞌ pella ora all anorrxhenet. Allempokma allowenetpaꞌ oꞌ chorranet Parets Poekamkëñ, atthoch eꞌñe womenkokma oꞌch serrpareꞌtoñet Yompor poꞌñoñ.

Amaꞌt theꞌpaꞌ Yompore peñoteney ñetpaꞌ nanak moeneñet oꞌch yoreꞌtameꞌtyet yamha. Theꞌpaꞌ oꞌch yenamaph awamenkath pephaꞌyepaꞌch ñeñthey thorretsa phokop atthoch amach yemhchaꞌtatsto. Eꞌñepaꞌch womenkokma yeserrpareꞌtonaph peñoñ.

Sapaꞌ xha sottena ateth ñerraꞌm acheñ ñeñth thomateneꞌ pokoll. Ñeñthña acheñ ñeñth thomateneꞌ pokollpaꞌ xha waporeꞌtan mapoeꞌ ñeñth nanak sherbets, tharroꞌmar ama es xhapaweto poeyoxhro. Tharraña Jesúspaꞌ amaꞌt attheñ ñerraꞌm mapoeꞌ ñeñth awaporeꞌtareth ñeñthara Jesús ñeñthña nanak sherbets ateth ñerraꞌm mapoeꞌ alloch orratet pokoll nanak echarr.

Añña Pedro ñamha Juanpaꞌ ama poemhchaꞌnañotheyeꞌ eñoseto. Amaꞌt mameshapaꞌ ama mechaꞌteneto. Allempoña amhchaꞌtarethexhnopaꞌ oꞌ eñochet ama poemhchaꞌnañotheyeꞌ eñenetopaꞌ ñetpaꞌ ateth otet: —Errothenothwakaꞌye eñenetña ateth. Yapaꞌ yeñotenanet ñetpaꞌ ama ayxhatarethteto atthoch eñotet kellek womenk. Ñetpaꞌ attheta ñerraꞌm poꞌpotantañ acheñeneshaꞌ ñeñth ama tama es eñotetso. Errothenothwañakaꞌye eñenetña ateth ñerraꞌm ayxhatarethet. Allempoñapaꞌ oꞌ xhapanet poeyoxhro attho Pedro ñamha Juanpaꞌ awaña xhokma chopeñeꞌcheꞌth epoet Jesús.

Allempotheñña ñet ñeñthet ameꞌñatseteꞌthpaꞌ oꞌ parrokmatwet eꞌñe kowen. Eꞌñe parra kothaphñats anmoeteꞌth poeyoxhreto ñeñth amoerañtetsa. Ama eseshayeꞌ otatseꞌthe ñeñthpaꞌ ñapthetach es oꞌpatet, añña xhokma apannaꞌtyeseteꞌth ñerraꞌm eseshaꞌ es palltatseꞌth.