Popular Bible Verses from Lucas 2

Share

Ma wak'ij pa ri tinamit re ri rey David, xalax jun Colobenel iwe; e ri Kanimajawal, Rucha'o'n lo ri Dios.

Pero ri ángel xubi'ij chique: «Mixi'ij iwib, ma nuc'amom lo utzilaj tzij chiwe re unimal qui'cotemal chique conoje rutinamit ri Dios.

«¡Nim uk'ij ri Dios c'o chila' chicaj! Yey che ruwachulew, c'ola ri utzil chomal re ri Dios cuc' ri caquic'ul ri rutzil uc'u'x Rire» xecha'.

Y ri Jesús catajin unimaric y catajin uc'oji'ic más runa'oj ri Dios ruc'. Ronoje ri cu'ano lic utz chwach ri Dios y chiquiwach conoje ri ticawex.

Ri c'utubal re wa' e quirik ri ralco ac'a pistal pa c'ul, cotz'ol chupa jun canawa re quiwa'bal chicop» xcha chique.

Chunakaj Belén e c'o aj chajal bexex caquic'owibej rak'ab pa juyub re quequichajij ri quibexex. Yey xakic'ate't xwinakir jun ángel re ri Dios Kajawxel chiquiwach. Ewi runimal uchomalil ri Dios xutzij quiwi' y rique lic xquixi'ij quib che.