Popular Bible Verses from Lucas 1

Share

Ma chwach ri Dios na jinta c'ana c'ayew —xcha che.

Ec'uchiri', xubi'ij ri María: —Ri'in puk'ab ri Nukaw Dios in c'o wi. Ec'u Rire chu'ana wuc' janipa ri xbi'ij la chwe —xcha'. Ec'uchiri', ri ángel xel bi chwach.

Ri ángel xuc'ul uwach: —E ri Santowilaj Ruxlabixel ri Dios cakaj lo pawi' y ruchuk'ab ri Jun catakan chwi ronoje, cuch'uk awi' pacha' sutz'. E uwari'che rac'a calaxic cabi'x che e Santowilaj Uc'ajol ri Dios.

Nim ak'ij awalaxic ri'at ma xacoj ronoje janipa ri xbi'x chawe ruma ri Dios Kajawxel yey wa' lic e cu'ana' —xcha'.

Ec'u wo'ora catcanajic at yewa' ixok, calax jun awalab y Jesús rubi' cacojo. Rire lic nim uk'ij y cabi'x che e Uc'ajol ri Jun catakan chwi ronoje. Ec'u ri Dios Kajawxel cuya puk'ab cu'an rey jela' pacha' ri rey David, rumam re ojertan. Y caya'taj che catakan puwi ri tinamit Israel yey rutakanic na jinta utakexic —xcha che.

Ec'uchiri', ri ángel jewa' xubi'ij che: —María, maxi'ij awib, ma arikom ri unimal rutzil uc'u'x ri Dios.