Popular Bible Verses from Lucas 22

Share

jewa' cubi'ij: «Lal Nukaw, we utz chiwach la, chincolobej co la cha' na quinic'ow ta chupa wa' wa c'axc'obic. No'j na e ta c'u chu'ana ri cuaj ri'in, ma e chu'ana janipa ri rajawal c'u'x Rilal» xcha'.

No'j ri'in lic nutz'onom che ri Dios pawi' ri'at, cha' na casach ta ri cubulibal ac'u'x wuc'. Ec'u ri' ri'at, echiri' cacubi' tanchi ac'u'x wuc', e chanimarisaj quic'u'x tak rawachbi'il —xcha'.

Tec'uchiri', xuc'am ri pam y xutioxij che ri Dios. Xuwech'o y xujach chique, jec'uwa' xubi'ij: —E nucuerpo wa', ri caya'i' pa camic iwuma ri'ix. Ec'uchiri' qui'an tak wa' chikawach apanok, chi'ana' cuxtabal we ri'in —xcha'.

Q'uisbal c'u re ri cena, xuc'am tanchi ri c'olibal c'o vino chupa y jewa' xubi'ij: —Wa' ri ri' e ri c'ac' tzij cajiquibax uwach ruc' ri nuquiq'uel caturuw iwuma ri'ix re cuybal imac.

Y chupa c'u ri' runimal uc'axc'olil, ri Jesús xujek cu'an orar ruc' unimal uchuk'ab. Ruma c'u la' xujeko nimak t'oba'j quic' ruc'atan catzak chwa rulew.

»No'j ri'ix mi'an iwe pacha' ri caqui'an rique. China ri lic c'o uwach chixo'l, e chu'ana pacha' na jinta uwach; yey ri c'o puk'ab catakanic, e chuya'a rib cu'an nimanel.

Ec'u ri Jesús xuc'ul uwach: —Pedro, pakatzij wi cambi'ij chawe: Wak'ab echiri' c'amaja' ne cabixon ri teren, ri'at oxlaj chic abi'im na aweta'am ta nuwach —xcha'.