Popular Bible Verses from Lucas 23

Share

Ewi ri Jesús xubi'ij: —Nukaw, cuyu la quimac, ma na quimajom ta usuc' sa' wa quetajin che u'anic —xcha'. Ec'u ri soldados ruc' jun sorteo xquijach quib puwi ruk'u'.

Y ri Jesús xubi'ij che: —Pakatzij wi cambi'ij chawe: Wak'ij ne ri' catopon wuc' chila' chupa ri chomilaj luwar pa e c'o wi ri e colobetajinak —xcha'.

Ec'uchiri', xubi'ij che ri Jesús: —Wajawal, chinc'una co chic'u'x la echiri' co'ltakana la —xcha'.

Ec'uchiri', ri Jesús lic co xch'awic, jewa' xubi'ij: —Nukaw, pak'ab la cank'atisaj wi ri wanima' —xcha'. Xew xubi'ij wa', asu xcamic.

Echiri' xebopon pa ri luwar cabi'x che “Luwar re Ubakil Ujolom Anima'”, chiri' xya' wi ri Jesús chwa ri cruz; y ri ca'ib elek'omab, jun xya' puwiquik'ab y jun pumox Rire.

Echiri' xtic'oj ri k'ij, xoc k'eku'm che ruwachulew y wa' xu'q'uisa c'a che ri urox ora benak k'ij; oxib ora na xwon ta ri k'ij. Yey chupa c'u ri Rocho Dios, ri telón xrich'rob lo chunic'ajal.

Ri capitán que ri soldados echiri' xrilo sa' ri xu'ano, xuyac uk'ij ri Dios, jewa' xubi'ij: —Pakatzij wi wa'chi lic jusuc' y na jinta umac —xcha'.