Popular Bible Verses from Tel tura Godndu 15

Share

Areeje né ndá no̰je ne rɔ sí gə meḛ sí gə́ majel dəa’g el, mbata gə goo meemaji gə́ togə́bè lé ɓa, Ala lə sí gə́ Njesigənea̰ a tɔr ne ndia dɔ kulaje lai’d gə́ seḭ raje lé.

Daŋ’dje d’a lal mee ɓee lə sí el, gelee gə́ nee ɓa m’ar sí ne godndu gə́ nee m’pana: Seḭ a kya̰je meḛ ji sí tag karje ŋgako̰ síje ləm, gə njéndooje ləma, gə daŋ’dje ləm tɔ gə́ to mee ɓee’g lə sí lé.

Mbata Ala lə sí gə́ Njesigənea̰ a tɔr ndia dɔ sí’g to gə́ yeḛ ula sí ne lé ndá ginkoji dəwje gə raŋg bula d’a tona sí né, nɛ seḭ a tona deeje né el, seḭ a ko̰je dɔ ginkoji dəwje gə raŋg bula nɛ deḛ d’a ko̰ dɔ sí el tɔ.